شعر : عبدالله بن سحيم القرني
مجاراة الشيخ عايض القرني في قصيدته *تحية وطن*
باسمك الله بديت القاف واسطر
كل بيت شرود نحكم أبوابه
بعدها مرحبا ي شيخ يادكتر
ي سليل الشيوخ اللي لهم جابه
ال مجدوع فالمظهر وفالمخبر
محزم اللي جدعه الوقت ب أنيابه
من شيوخ الجنوب اللي بهم نفخر
اشهد أنهم نهار الشر غلابه
مرحبا وأنت ليثٍ للشرف يزأر
بيدك الفخر سيفٍ يلمع أنصابه
صيتك. استحوذ على الكون واستعمر
مأرز العلم وأنت إمام محرابه
طفت في الأرض ماقد طاف الاسكندر
كن لك خاتم سليمان وأحزابه
ابن حنبل زمانك شيخنا الأشهر
فخر الإسلام فخر العرب وإعرابه
سيف بلقرن درع الازد والميزر
ميزرٍ له معابر نار شبابه
من جبال الجنوب الى ورى عرعر
سيد الشعر هذا الشعر عرابه
يستحق الوطن منك الولا وأكثر
لأنك البار وأنت طويق بـ أترابه
الولا وصله للعاهل وتشكر
بوفهد مايخيب اللي تذرى به
سيدي غيم سعدٍ فالعرب ممطر
جود كفه لشعبه مرهي أسبابه
وان غضب كنه الرعاد لازمجر
به صواعق تدك الشر وأربابه
وابن سلمان قايد شهم ومظفر
يمشي المجد والتاريخ بـ اركابه
له ولانا وشرع الله لنا مصدر
سيدي سيف بالعدوان مضرابه
والله ان الجنوبي ليث مايقهر
كم ركز في نحور أعداكم أحرابه
عسكرٍ هزت ارض الحوثي ورختر
عاجز لوبغى يحسب لها أحسابه
سر (بنا) ياطويل العمر واتبشر
والله أنا سهوم الموت واشهابه
رد من شاعر ابني رزق ي دكتر
ال طارق من ثريبان غنى به
وابن وهاس شيخ الشمل والمعشر
اشهد انه عماد العز وأطنابه
وأنت لك صولجان الشعر وأنت أجدر
وان قنعته بردي هات مشعابه
