سريت العنى ليلٍ سباعة تهوش اسباع
على غارب اللي رجلها عند اياديها
هجوسٍ كما شعلا تحث الخطى بـ اسراع
تدرهم ولا حفيت مهابد سماريها
وفكري كما الباكور تمشي معه مطواع
على اجنوبها ضربه ومره علابيها
وأنا اللي مضمرها وابيها تدك القاع
تباري طموحاتي وعيني تباريها
تشابه عمانية ملكها طويل اذراع
وأشادوا بها العربان من حلو طاريها
ابشرف بها تبة زماني وانا الملتاع
من جروح وقتٍ يفري الصدر داميها
أعاني من اأياح الزمن في جفى الذعذاع
وأعاني صواعق غيمة الصيف وابكيها
وأنا الشابع من الغربلة والعباد أجياع
واقلط عيوني للسهر واحتفل فيها
وأرتب لها حفلة ألم والاسى مذياع
وأغني قصيدة حب ماتت قوافيها
عسى خير يا حلمٍ طوى النوم طي اشراع
على طيف ذكرى جيتني كنت ناسيها
على ومضة افلاشات ذكرى تجي في ساع
وتقفي وتترك في خفوقي مواريها
ابا أشرب سريب العشق يا صافي الأوجاع
عسى ماخلاف ان كان ماذقت صافيها
تباين شراب العشق له معطيات أنواع
يسبب تلف روحٍ ورحٍ يداويها
وجودي وجود اللي فقد له خويّ اشجاع
تصافق به أمواج الزمن حسب داعيها
على وقتي اللي كل ما قلت جا المرباع
تحارب سموم القيض لونه بـ صاليها
عسى خير يا ذكرى تجيني بدون اقناع
تناجي خيالاتي على طيف ماضيها
